چلچلاتی دھوپ کی چادر نے ہر چیز کو ڈھانپ رکھا تھا -ایسے میں دھوپ میں حسب معمول کاری گر اپنی دکانیں سجائے بیٹھے تھے -سیڑھی سے اترتے فیقے کو دیکھ کر نو سالہ معصوم توصیف سہم کر رہ گیا -آج پیٹ میں درد کے باعث وہ کام نہ کر سکا تھا اور اب استاد کے آنے کا وقت ہوگیا تھا -فیقا پیشانی سے پسینے کے قطرے صاف کرتا ہوا دکان میں داخل ہوا -اسکی خونی نظریں گاڑی کے پہیے کا تعاقب کر رہی تھیں جو صبح سے جوں کا توں رکھا تھا -"کام چور کہیں کا !کیا کر رہا تھا ؟"فیقے کی چنگھاڑ پر توصیف پھوٹ پھوٹ کر رو پڑا -...
